ജെൻ സീ കുടംബങ്ങൾ


ഒരുമിച്ച് ജീവിക്കുന്ന മനുഷ്യരെല്ലാം സ്നേഹത്തിൽ അധിഷ്ഠിതമായ ജീവിതം തന്നെയാണോ നയിക്കുന്നത് ! അങ്ങനെയാണെന്ന് നമുക്ക് ആശിക്കാമല്ലേ ..എന്നാൽ അനുഭവങ്ങളും ജീവിതങ്ങളും പറയുന്നത് മറിച്ചാണ് മനുഷ്യർ ഒപ്പമായിരിക്കുമ്പോൾ തന്നെയും ഒറ്റയായി പോകുന്നുണ്ട് ..!

മനുഷ്യർ ഒരുമിച്ച് ജീവിക്കുന്നത് തന്നെയും ഉത്തരവാദിത്തത്തിന്റെയോ, കടപ്പാടുകളുടേയോ, വിവാഹം ചെയ്തതിന്റെയോയൊക്കെ പേരിലൊക്കെ കൂടിയാകും!! ഒരുതരി പോലും സ്നേഹം പരസ്പ്‌പരം പങ്ക് വയ്ക്കാതെയും മനുഷ്യരിന്ന് ഒരുമിച്ച് ജീവിക്കുന്നുണ്ട് ! എവിടെയൊക്കെയോ വച്ച് പരസ്പരമുണ്ടായിരുന്നതോ, ഉണ്ടാകേണ്ടതോ ആയ കണക്ഷനൊക്കെ നഷ്ടപ്പെട്ട മനുഷ്യർ കൂടിയാകുമവർ...

ഒരിറ്റ് സന്തോഷമില്ലെങ്കിൽ, ജീവിതമെന്നതിൽ യാതൊരു വിധ പുതുമകളില്ലെങ്കിൽ കൂടിയും, പുറമെ ചിരിച്ചും സന്തോഷം കാണിച്ചുമൊക്കെ ആനന്ദകരമായ കുടുംബജീവിതം നയിക്കുന്നുവെന്നുമൊക്കെ മറ്റുള്ളവരെ ബോധ്യപ്പെടുത്തുന്ന മനുഷ്യരുമുണ്ട് ! പ്രണയമില്ലാതെ, സംസാരങ്ങളില്ലാതെ, പരസ്പരമുള്ള അന്വേഷങ്ങളില്ലാതെ അകമേ യാന്ത്രികമായ ജീവിതം നയിക്കുന്നവരുടെ എണ്ണവും കുറവല്ല ...!!

നമ്മൾ കാണുന്ന പോലെയൊന്നുമല്ല പല മനുഷ്യരും അവരുടെ ജീവിതങ്ങളും.!! എത്രയോ കാലങ്ങളായി പരസ്പരം സ്നേഹം പ്രകടിപ്പിക്കാതെ, പരസ്പരം താല്പര്യം കാണിക്കാതെ ഒരുമിച്ച് ജീവിക്കുന്ന മനുഷ്യരൊക്കെയുണ്ട്.. ഇതൊന്നും പുറം ലോകമറിയില്ലെന്ന് മാത്രം!! അല്ലെങ്കിലും അഭിനയിച്ച് കാണിക്കുവാൻ മനുഷ്യർക്ക് പ്രത്യേക കഴിവ് തന്നെയാണല്ലോ...


നോക്കൂ ! മനുഷ്യർ ഒപ്പമായിരിക്കുമ്പോഴും ഒറ്റയായി തീരുന്നുണ്ട്!!ബുദ്ധിമുട്ടുകളോടെയും വേദനകളോടെയുമൊക്കെ അകമേയുള്ള ജീവിതത്തിൽ പെടാപാട് പെടുന്ന മനുഷ്യരൊക്കെയാണവർ!എങ്കിലുമവർ ജീവിക്കുന്നു ! ആരെയൊക്കെയോ തൃപ്തിപ്പെടുത്താനായി ജീവിക്കുന്നുവെന്ന് മാത്രം!!

Comments

Post a Comment

Popular posts from this blog

പ്രാപഞ്ചിക വിസ്മയങ്ങൾ - പീറ്റർ ആൾട്ടമൻ

Image
പ്രാർത്ഥന എന്നത് ദൈവത്തിലേക്ക് അടുക്കാനുതകുന്ന മതാനുഷഠാന രീതിയാണ്. ഏകമായോ കൂട്ടമായോ ഏകാന്തതയിലോ പൊതുസ്ഥലത്തോ അവ നാം അനുഷ്ഠിക്കുന്നു. ആത്യന്തികമായി രണ്ടു തരത്തിലുള്ള പ്രാർത്ഥനയാണ് ഉള്ളത്. നന്ദിപറച്ചിലും. മോശം ജീവിതഅവസ്ഥയിൽ  അകപ്പെടുമ്പോൾ  സഹായാഭ്യർത്ഥനയുമാണ്  അത് . 'പ്രിയർ' എന്ന പുരാതന ഫ്രഞ്ച് വാക്കിൽ നിന്നുമാണ് പ്രാർത്ഥന വന്നത്. 'ചോദിക്കുക' എന്നതാണ് അതിന്റെ അർത്ഥം. പല മതസ്ഥരും വ്യത്യസ്തരീതിയിൽ പ്രാർത്ഥന നടത്തുന്നു. ഇന്നത്തെ ഏറ്റവും പ്രധാനമായ ചർച്ച ഈ പ്രാർത്ഥിക്കുന്ന കാര്യങ്ങൾ സാധിച്ച് കിട്ടുമോ? എന്നുള്ളതാണ്. പരമ്പരാഗതമായ മരുന്നുകൾ തോറ്റയിടത്ത് രോഗാതുരമായ ആളുകളെ പ്രാർത്ഥന സുഖപ്പെടുത്തിയിട്ടുണ്ട്. തീർച്ചയാണത്. ഫാർമസ്യുട്ടിക്കൽ കമ്പനികൾ തങ്ങളുടെ പുതിയ മരുന്നുകൾ പരിചയപ്പെടുത്തുമ്പോൾ ഒരു ട്രയൽ റൺ നടത്താറുണ്ട്. എത്രത്തോളം ഈ മരുന്ന് കൊണ്ട് ആളുകൾ സുഖപ്പെടുത്തുന്നു  എന്ന് നോക്കാനാണ ത് . ഉദാഹരണത്തിന്, പ്രമേഹത്തിനുള്ള മരുന്ന് ഉണ്ടാക്കുന്ന കമ്പനി രോഗികളായ 400 പേരെ തിരഞ്ഞെടുക്കുന്നു. 200 പേരുടെ വിഭാഗമായി തിരിക്കുന്നു. ആദ്യത്തെ 200 പേർക്ക് ഗുളിക രൂപത്തിൽ യഥാർത്ഥ മരുന്ന് കൊടുക്കുന...
Read more

ആർ രാജശ്രീയുടെ ആത്രേയകം

Image
  ആർ രാജശ്രീയുടെ ആത്രേയകം ഒരു വിവാഹഘോഷയാത്രയാണ്. ദശാർണം ലക്ഷ്യമാക്കിയുള്ള യാത്രയാണ്. ആരംഭിച്ചിരിക്കുന്നത് ദ്രുപത് രാജാവിന്റെ പാഞ്ചാലത്തിൽ നിന്നുമാണ്. രാജപുത്രനായ നിരമിത്രന് ഇന്ന് വിവാഹ ദിവസമാണ് കൂടെ അവന്റെ കളിത്തോഴൻ വിശാഖനുമുണ്ട്. എന്നാൽ കാമ്പല്യത്തിൽ വിശ്രമിക്കുന്ന നേരത്ത്, വിശാഖനും രാജപുത്രൻ നിരമ്മിത്രനും ആത്രേയകം ലക്ഷ്യമാക്കി രഹസ്യത്തിൽ കടക്കാൻ ശ്രമിക്കുന്നു. സൈനിക ചുമതലയുള്ള വിപുലൻ എന്ന യോദ്ധാവ് ഈ നീക്കത്തെ തിരിച്ചറിയുകയും കയ്യോടെ പാഞ്ചാലത്തിന്റെ യുവരാജാവായ നി ര മിത്രനെ കണ്ടെത്തുന്നു. നിരമിത്രൻ ഒരു സ്ത്രൈണ യുവാവാണ്. താല്പര്യമില്ലാത്ത കല്യാണത്തിന് ആണ് രാജാവ് ഇവരെ ദശാർണംത്തിലേക്ക് അയക്കുന്നത്. ഔഷധങ്ങളുടെ കലവറയാണ് ആത്രേയകം. വിശാ കോട്ടപ്പറമ്പുകളും കുറ്റിക്കാടുകളും കുന്നുകളും നിറഞ്ഞ ആത്രേയകം പാഞ്ചാലത്തിലെ ഭാഗമാണ്. മൂന്ന് രാജ്യങ്ങളുടെ അതിർത്തി പ്രദേശങ്ങൾ. അശ്വനദിയുടെ ഒരു കൈവഴിയും. അതിർത്തി ഗ്രാമമായതിനാൽ അസ്വസ്ഥതകളും കുറവായിരുന്നില്ല. നിരവധി അപരിചിതർ വരുന്ന ഒരു സ്ഥലം ആയിരുന്നു. തിട്ടപ്പെടുത്താനാവാത്ത തരത്തിൽ ഔഷധസസ്യങ്ങൾ മുളച്ചിരുന്ന ഒരു നാട്. അവിടെ വെച്ച് നിരമിത്രനെ...
Read more

ഡയാസ്പൊറാ_ സുരേഷ് കുമാർ വി (Diaspora - Suresh Kumar V)

Image
മട്ടാഞ്ചേരി പശ്ചാ ത്തലമായുള്ള പ്രവാസത്തിന്റെ കഥയാണിത് . ജനിച്ച നാടിനെ , പ്രിയപ്പെട്ടവരുടെ ഓർമ്മകൾ പേറുന്ന മണ്ണിനെ എന്നന്നേക്കും മായി പിരിയേണ്ടി വരുന്ന അവസാന ജൂതനായ സോളമൻ ഹലേഗ്വാ അനുഭവിക്കുന്ന വ്യഥ കാലും മട്ടാഞ്ചേരിയിലെ അവസാന ദിവസങ്ങളും ജൂത ത്തെരുവിലെ ക്രിസ്തുമസ് ആഘോഷങ്ങളും മറ്റു മനുഷ്യരുടെയും ജീവിതവും പറയുന്ന സുരേഷ് കുമാറിന്റെ നോവൽ. സോളമ ൻ ഹ ലേ ഗ്വാ അഥവാ സ്ലോമോ. അയാൾ വളർത്തുന്ന പന്ത്രണ്ട് പൂച്ചകളും മാർത്തയും ലാസറും തിമോരയും ഇളംപരിതിയും പിന്നെ കുറേ മനുഷ്യരും! മട്ടാഞ്ചേരി ക്കാർ ബഹുമാനപുരസ്കരം മുത്ത എന്ന് വിളിക്കുന്നു സ്ലോമോ, ലാസറിനും മാർത്തയ്ക്കും ആരായിരുന്നു ? ലാസർ സ്ലോമോ യുടെ നിഴൽ ആവാൻ കൊതിച്ചു . എപ്പോഴും കൂടെ ഉണ്ടാവാൻ ശ്രമിച്ചു . ഒന്നും തിരിച്ചു പ്രതീക്ഷിച്ചിട്ടല്ല . അവരുടെ ജീവിത ചര്യകൾ സ്ലോമോ യും ജൂത പ്പുരയു മായി ബന്ധപ്പെട്ടു കിടന്നു . മക്കളുടെ നിർബന്ധ ത്തിനു വഴങ്ങി ഇസ്രായേ ലിലേക്ക് പോകാൻ തയ്യാറാ കുന്ന സ്ലോമോ , നേരിടേണ്ടി വരുന്ന മാനസിക സംഘർഷങ്ങൾ അറുതിയില്ല . From the Book സ്ലോമോ തിമോരയെ കുറിച്ച് ആലോചിക്കുമ്പോൾ തോന്നു ...
Read more